PREGUNTES FRECUENTES
¿Cómo puedo faceme sociu del Club?
Si yes mayor de 18 años, puedes facete sociu del Club Cultura Asturies de dos maneres:
- Rellenando’l formulariu que vas atopar na recepción de Llaboral Ciudá de la Cultura en Xixón, el Parque de la Prehistoria en Teberga, el Muséu del Xurásicu d’Asturies en Colunga, el Centru d’Arte Rupestre Tito Bustillo en Ribeseya, na Oficina d’Información Turística del Principáu n’Uviéu, nel Muséu Etnográficu de Grandas de Salime "Pepe el Ferreiro" o nel Centru Niemeyer n’Avilés.
- O calcando EQUÍ pa rellenar el formulariu online. (Por favor, rellena los campos ensin tildes y en mayúscules). Nunos díes vas recibir un mail de confirmación del rexistru cola to tarxeta virtual de sociu y instrucciones pa solicitar la tarxeta física.
Si quies obtener una tarxeta provisional, nos centros mentaos enantes van apurrítela.
¿Cuesta daqué facese sociu del Club?
Ser sociu del Club ye de baldre dafechu. El requisitu únicu ye que seyas mayor d’edá y que te preste disfrutar de les actividaes culturales que te proponemos.
¿Pue usar la tarxeta más d’una persona de la familia?
La tarxeta ye personal y intresferible. Como norma xeneral, nos espectáculos y conciertos cada sociu va poder sacar dos localidaes con descuentu, quitando escepciones que se van indicar espresamente nel eventu concretu. Nes visites y actividaes habituales, el descuentu va aplicase al titular de la tarxeta y a un acompañante.
Si yes sociu y tienes fíos, éstos van poder beneficiase de les ventayes y asistir a les actividaes infantiles o familiares que se programen. Cada actividá va tener un tope de places disponible por sociu, que se va indicar nel eventu concretu.
Si soi sociu del Club, ¿qué ventayes tengo?
Amás de disfrutar de les ventayes y actividaes esclusives qu’ufiertamos nos centros culturales xestionaos pola Sociedá de Xestión y Promoción Turística y Cultural del Principáu, el Club dispón d’una rede amplia d’empreses collaboradores que te van ufiertar descuentos especiales namás por ser sociu del Club Cultura. Infórmate de toles ventayes, equí.
¿Qué tengo que facer pa disfrutar de toles ventayes del Club?
Pa disfrutar de les ventayes del Club tienes qu’indicar el to númberu de sociu al inscribite nuna actividá o sacar una entrada y vas tener que presentar la to tarxeta de sociu, física o virtual, y el to DNI nos equipamientos culturales o empreses collaboradores pa disfrutar del descuentu cuando asina te lo requieran.
¿Cómo toi informáu de toles ventayes?
La nuestra web www.clubculturaasturias.com actualízase caldía con toles ventayes, promociones y actividaes disponibles pa los socios. Amás, si al facer el rexistru punxisti una dirección de corréu electrónicu y aceptasti l’unviu de comunicaciones comerciales, cada semana vas recibir un boletín coles actividaes destacaes.
El Club dispón de perfiles nes redes sociales Facebook y X onde diariamente promocionen actividaes y ventayes especiales.
Perdí la tarxeta. ¿Cómo puedo solicitar un duplicáu?
Vas poder solicitar el duplicáu de la tarxeta escribiendo un mail a club@turismoycultura.asturias.es indicando’l to nome, númberu de DNI y les señes postales o de corréu electrónicu onde quieras recibir el duplicáu de la tarxeta.
Nun quiero recibir más boletinos. ¿Cómo puedo dame de baxa?
Pa date de baxa del boletín selmanal namás vas tener que calcar na opción "Dar de baxa" qu’apaez al pie de cada newsletter. Tamién puedes unvianos un email a club@turismoycultura.asturias.es, indicando como asuntu “Baxa boletín” y onde figure’l to númberu de sociu y/o de DNI, y vamos xestionar la to solicitú.
Ten en cuenta qu’al eliminar la to cuenta de corréu de la base de datos del Club tampoco nun vas recibir sorteos o otres comunicaciones que’l Club unvie vía mail.
¿Puedo modificar los mios datos del Club?
Por supuestu. Si cambiasti de señes, de teléfonu o de cuenta de corréu electrónicu, fáinoslo saber pa que podamos facete llegar toles nuestres comunicaciones de manera correcta y que puedas tar al día de toles actividaes y promociones.
¿Ónde puedo dirixime en casu de cualquier incidencia?
Vamos resolver toles tos duldes nel corréu electrónicu club@turismoycultura.asturias.es o nos teléfonos 902 306 600 y 985 18 58 60.
¿Cómo puedo sacar les entraes con descuentu?
En cada actividá especifíquense los requisitos y mecániques pa beneficiate del Preciu Club pero, como norma xeneral, puedes sacar entraes con descuentu pa los espectáculos nes taquilles de Llaboral Ciudá de la Cultura en Xixón, nel Centru Niemeyer n’Avilés, na Oficina d’Información Turítica del Principáu n’Uviéu y n’unientradas.es.
Los museos y equipamientos culturales y les nuestres empreses collaboradores tamién te van aplicar el descuentu nes sos taquilles, venta online o de la que se cobre’l serviciu prestáu.
¿Puedo sacar más d’una entrada con descuentu?
Cada eventu va especificar el númberu d’entraes que se dexa sacar a cada sociu.
Apuntéme a una actividá gratuita pero a la fin nun puedo asistir a ella. ¿Necesito cancelar la reserva?
Les actividaes gratuites tienen places limitaes. Polo tanto, si reserves y finalmente nun puedes asistir, tienes que notificalo unviando un mail a club@turismoycultura.asturias.es o llamando al 902 306 600 o al 985 18 58 60 pa qu’otru sociu en llista d’espera pueda asistir a esa actividá.
¿Cómo puedo pertenecer a la rede d’empreses collaboradores?
Formar parte de la rede de collaboradores del Club ye gratuito dafechu, conque, si tienes una empresa y quies collaborar col Club, únvianos un corréu electrónicu a club@turismoycultura.asturias.es y vamos informate de tolos detalles.
¿Tienes más duldes? ¡Entrúganos!
Tfnu.: 902 306 600 / 985 18 58 60
Contacto